Programma

Oétkômme Trio 2012

Idder jaor kump d'r auk beej De Kwas ein niej trio oèt det de ker met de vastelaovend trek.
Deze aovend is d'r speciaal veur um dit nieje trio bekind te make en aan dich te prissentere.

Bisse beniejd wae ut dit jaor geit waere, dan kom zeker deze aovend kièke!

W-Dreej

Dit dreejtal is nimmer weg te dinke in ut groët-Limburgse. Twië kiër achterein wonne zeej ut LVK met eur walbekinde W-dreej mèziekstiél. Ut nummer "Vandaag" zet euveral de tent op de kop. As ut nog neet werm genog waas in de Kwastetempel zal ut tièdes dit optraeje tropisch werm waere! 

Mièr info euver W-Dreej kinse laeze op www.w-dreej.nl

M!xx - the Partyband!

Al vanaaf ut jaor 2008 steit M!ixx (in ut vastelaovesseizoen baeter bekind as Jocus Hofkepèl) as vaste begeleidingsband op de Kwastebühne. Op eur eige professionele wiès weite zeej de stumming d'r vanaaf ut begin good in te bringe. Van moderne vastelaovesleedjes wiès echte evergreens, alles kump veurbeej op ut Pallesaotebal.

Mièr info euver M!xx kinse laeze op www.mixxthepartyband.nl

Winnaers Opus Jocus Leedjesaovend

Idder jaor truuk op ut Pallesaotebal, de veer winnende leedjes van de Leedjesaovend. Dees waere met muzikale begeleiding van M!ixx, live ten gehure gebrach op de Kwastebühne.

Neet Um Aan Te Huure

Dees  joekskepèl zörg euveral wao zeej op de bühne staon veur remmiedemmie. Neet um aan te huure, in de volksmond baeter bekind as NUATH. Van "stoumboët" wiès projek Zurtitrie, alles wat zeej aanpakke zörg veur ein muzikaal hoëgtepunt.  

Dit jaor zulle zeej, same met ôch, iets niejs op de Kwastebühne bringe!

Mièr info euver NUATH kinse laeze op de website www.nuath.nl